PROPONEN EXHORTO AL INEGI PARA QUE CONTEMPLE EN EL CENSO LA AUTOADSCRIPCIÓN ORIGINARIA INDIGENA

Chilpancingo, Gro.-Tekiuaj diputado Aristóteles Tito Arroyo, okijtoj itech Junta de Gobierno, moneki mamochiua se chikauak notsalistli itech in Instituto Nacional de Estadística y Geografía (INEGI) ika mamotlali pan Censo Poblacional 2020, uan tlen iutse, ijkon on tlen yeskej pan tlajkotipan, in indicador itech yolnotsalistli kej maseual nantlajtoanimej.

On tekiuaj diputado okijtoj itech in censo 2010 uan 2020, amo nesi in yonotsalistli kej maseual nantlajtoanimej pan Guerrero, uan payin itlamiyan tech in amatlajkuiloli amo nejsi teyolnotsalistli kej maseualnantlajtoani, san nesi se amoxejxelistli kampa kijtoa itech in maseual kajkatsakmej ika tlapoali 303 923, tlen onkisa kej in 8.6 % tech kanochtin maseualmej.  

Okijtoj kejin tlajpoalmej tlen nesi tech INEGI, ueliskiya motlaliskiya itech censo in yolnotsalistli kej maseual nantlajtoanimej, amo omochin uan noijki yamelauak moneki.

Uan noijki okijto onkate miyekej maseualmej tlen moyolnotsa kej maseualnantlajtoanime, kixpantiyaj 33.9 por ciento tech maseualyo, tlen chanti pan ome kaxtoli uan chikome municipios, se municipio kej maseual kajkatsamek uan ome tribales noso equiparebles. 

Tito Arroyo okijtoj, moneki in maseual nantlajtoanimej mamokalaktikan tech política uan kimajchiuakan inaualtitlakayomej políticos, tlen uits itech in censo tlen okichin on INEGI, tech in tlapoalmej uelis motaske keskimej maseualmej tekitiskej kej tekiuajkej.

Noijki okijtok yejua in kajki pan tlajtoli tech autodeterminación uan organización interna, yejua in tlapoalmej uelis tepaaleuis ika mopatlas in chiualistli patilistli uan tlapejpenilistli tekiuajkej itech partidos políticos, mamopatlaj Itech in sistema jurídico teuaxka tech maseual nantlajtoanimej, uayika moneki manesi yejua in indicador. 

Yejua in ama teixpantilistli omotemajtik itech comisiones Unidas de Asuntos políticos y Gobernación uan de Asuntos Indígenas y Afromexicanos, ika mixtlalis uan motemakti dictamen respectivo.

Para la Dekonstrucción: siuatlajtolkuepani Ameyali.