Koni kivi xà’ùn kùmì ña ti yòò ò’òn tivi òkò ñii, ña nana ndiso xi’in ve’e tyiñu ña ñuu Kuatyi Evelyn Salgado, naki’in ña nda’a ta tata ndiso xi’in ña ve’e ña nuu kee na xika xito ña luvi yiyo tyi ñuu yó yiyo xi’in ña ta tyiñu ñuu Nko’yó, Miguel Torruco, ta táa suvi tutu ka’an xa’a luvi yó’o ña xa òvì siko ù’ùn ña nátava na tutu yo’o, ta tyiñu ña Ñuu Tun Ñami ñitun (Yucatán), tata Mauricio Vila, tutu ña ka’an ndí ndí ñinka yityi ñuu Kuatyi koo nuú kixi na xi’in yá’vi ña siko n aña luvi yo’o.

Tixi tyiñu ña yiyo nuú yá’vi yo’o, kani na nda’a ná nuú kua’a nuu tutu nuú taxi na yu’u xa’a kua’a tyiñu nuú katyi na saá ndi koo tun ndatyi tun kèe ña ñu Yita Ndio’o ta ndayyi tun nda tyí Ñuu ña Takuií ña Yuku Kuaán (Zihuatanejo) xi’in ña Tyí Ye’e Lo’o; koo nuú sna’a na kuatyi skua’a tixi ña luvi yo’o ta saá tu sakua’a na katyiñu tixi ña luvi yo’o; kuvi koo nuú katyiñu na yuvi yo’o, saá tu koo ña luvi ña kuvi ke’e ta’an na xa’a ña.

Santos Ramírez, secretario de Turismo estatal, Evelyn Salgado, gobernadora de Guerrero. Miguel Torruco secretario de Turismo del Gobierno de México.

Ñii katyi katyiñu na xi’in ta tyiñu ña ñuu Nko’yo, ña ñuu nda’vindaa na, saá tu ñii katyiñu na xi’in na kuiká tá saá tu xi’in na xika’a nándasava’a xa’a ña, na kátyi, koo na ndakuin xa’a ña koo tyiñu yó’o. “Koto na ndi ndi’i ña ñuu ná kundàà ñini na xa’a ña; na kú na ña ñuu tyi Yukuño’o, na ñuu tyi Ñuu Ndivi lo’o, ndi’i ndi’i ña ñuu”, saá nika’an ña tyiñu ña ñuu Kuatyi.

Presidentas, presidentes municipales y la gobernadora Evelyn Salgado

Ña Ya’avi nuu yiyo ña luvi yo’o kú ñii tyiñu ña ndaá yá’vi ña ndi’i ñuu Nko’yo ña kuvi kixi ndi’i na kuni koto ta sata ña luvi ke’e na ñuu yó.

Katyi kuiya niya’a ni kuvi koo ya’vi yo’o nuu xíyo ndi’i ña luvi ke’e na ñuu yo, xa’a ña ke’e xikun xika vitin, “ñakan ku ña nándiki na ña kuvi natakui tuku ña ya’vi yo’o”. Ñs nuú ya’vi yo’o, nixiyo ní ndi’i ña luvi ke’e na ñuu yó ña ndi’i ñuu ná’un nuu nda’vindaa yo, saá tu ña ke’e na ñuu Kuatyi ta yo’o niyó ña ke’e na tu’un ñama xi’in na nkóo.