Kinsetiliya oksekin telpokatsitsin itech Policía Comunitaria

12 abril, 2021 Majtlaktli uan ome tonali, mestli abril, xiuitl 2021.

Dassaev Téllez Adame

José Joaquín de Herrera, majtlaktli tonali, mestli abril. – Aman kuak yopanokej kaxtoli metsmej in Coordinadora Regional de Autoridades Comunitarias – Policía Comunitaria, Pueblos Fundadores (CRAC-PC PF), axan pan kalpan Ayahualtempa itlatelanal José Joaquín de Herrera (Hueycantenango) okinteixpantijkej telpochatsitsin kej policías comunitarios, axan onkatej ome kaxtoli uan naui konetsitsin tlen kipiya kaxtoli xijmej , kaxtoli uan ome yotinteixpantijkej pan metsli febrero pan xiuitl tlen opanok, kinnemachtijtikatej kenijki momanauiskej ipan in temiktianimej.

In tlayekanketl, Bernardino Sanchez Luna, okijto in tepantlajtoani tech totlajtokayotl amo okichin tlen okijto kuak oneskej inkonetsitsin, amo kitemaktij tlajpialistli, pakayelistli, tlamachtili, payin kalpajmej uayika in kokonetsitsin omotemaktijkej ika miyekiyaskej.

Pan tonali sabado onejnenkej pan ojmej tlen katej pan ikalpan Ayahualtempa uan okiteititijkej tlen okisalojkej pan nemachtili uan noijki okinotskej in tekiaujkej pan tomexikalpan uan pan totlajtokayotl Guerrero, kinekij mamochiuaj tlen in tekiuajkej okijtojkej mochiuas, uan amo mochin aman kuak yopanokej kaxtoli mestmej.

“Pan Ayaualtempa amo motemaktij paleuilistli…tiknotsa in ueyi tekiuaj tech tomexikalpan ika makinpaleui in chiknaui iknosiuamej, in majtlaktli uan naui iknomej uan in ome kaxtoli uan naui maseual cholojkej, pampa amo kiselijtikatej paleuilistli itech in tekiuajkej. Uayika tikinnotsa tekiaujkej pampa in iknosiuamej uan iknomej kipanotikatej, kemantika amo kipiyaj se tlaxkali uan istatl ika tlakuaskej, okijto.

Okijto in iknosiuamej pan kalpan Alcozacán okinmakakej paleuilistli uan in oknosiuaamej tech Ayahualtempa amo kinpaleuijkej.

Uayika in kokonetsitsin oksepa moteixpamtijkej, ika in tekiuajkej makitakan tlen yamelauak moneki makinpaleuikan.