Ta ku presidente ña Junta ña Coordinación Politica(Jucopo) ña Congreso Ñuu Kuatyi, Alfredo Sánchez Esquivel, va´a ni ka´a ra xa´a ña tutu tyinda´a ta ku presidente Ñuu Ko´oyo, Andrés Manuel López Obrador, yo kia káni na firma na ña na kue ki´ivi nda´a na ña viti ña kaka ka yuvi ndúku na voto.

Ta ñaka kia ka´a ra xií tu ku ndii na yuvi na katyiñu xií na tyiñu, ndi na kue sata na voto, an sanda´avi na nayuvi, tyi iyo kaki na kuatyi xa´a na, na kuni ñu´u na xuú na ñuu ña ke´e na campaña, an ya tyindeé taá na xií in candidato, katyi ra sá ndi kivi xika na yuvi campaña ra kasatoó na ta´a na, na kasatoó na ley ta kue kuvi.

Ta yaka kia kivi viti jueves ndakita´a ndií na diputado ra, yo kia ndakoó yuú na, ndatuú na xa´a ña proceso electoral, ña na nii na tyiñu na kue ki´ivi ña tyindé taá xi tu na xiíni taá na xií, ña na nii na tyiñu na tií na xuú tu ku na katyiñu na ña tyindé taá na xií in tu ku na xika nduku voto kuiya 2021.