Ña koni ña ku ña sandi’i na xi’in ña sasiki na xu’un na ñuu ta vityin ña nda’a na nda’vi ña ndi’i ñuu nda’vindaa tyi ñuu Kuatyi.

Ñuu Sundia’a, ni kaa tixi ñuu Kuatyi, kivi oko ovi ña tí yoo uxi uvi ña kuiya u’un tuvi oko oni.-Nana Tyiñu ña ñuu Kuatyi ña Evelyn Salgado Pineda nika’an ña ndi xini ña xa’a ña ke’e na katyi ña ve’e na ñuu ña oni siko oni ña taxi na yu’u na xa’a tutu kanda tyiñu xi’in ña a kuvi kusiki na xu’un na ñuu yiyo tixi ñuu Kuatyi, tyi ña yo’o ku ta’vi ña koni ña ta nataxi ña nda’a na ve’e ñuu yo’o tyi saa kuvi nani xu’un yo’o ña kua’an Kuniño’o na ñuu tyi ña yo’o ku ña kuu vityin.
Ña koni ña ku ña sandi’i ña xi’in ña sasiki na xu’un na ñuu ta kuvi nataxiva’a xu’un yo’o ña kuvi xaa ña nda’a na ndixa xiniñu’u ña’a ña ñuu Kuatyi.

Ña xaa tava na yo’o ku ña ndasava’a ña kuu ña kaka va’a na ña yo’o ku ku’un ñini na ña ke’e na tutú xa’a xu’un taxi na ña Kuniño’o na ta saa kuvi ku ndaa na xu’un na ñuu yo’o, ta ña yo’o vasa kasi kasi ña xa’a ña katyiñu na tyiñu ñuu, tyi xito ndi’i na ñuu ta saa xito na tyiñu na ña kua’an nda’a na Biniñu’u ña’a.

Ta ña yo’o vasa ku’un na xata na katyiñu yo’o, ta vasa xiniño’o kandaa na tyiñu nda’a na xi sasiki xu’un yo’o; ta saa kuvi tyindee na xi’in tyiñu kua’a nda’a na ñuu, ta saa tu nani kuvi tyindee na ña sakua’a na kuatyi a ña kuvi kutatan na.

Ña katyi Tutu xi’in Tu’un Kandatyiñu xi’in ña a kusiki na xu’un xaa tyi ñuu Kuatyi, ku ndaa na na kuu ña Kuniño’o na katyiñu xi’in tyiñu na ñuu, sa a tindaa ka na xu’un xi’in ña xi tya’vi na ña xi kasatatan na yuvi, ta vasa ka Kuniño’o ndiki siin na kua’a na yuvi tyi xi nani ni na xi ño’o katyiñu yo’o.

Na kuvi koo na kundaa na yuvi katyiñu, katyi na saa ndi ndasaa Kuniño’o ña’a na si’i a tiaa kumi ñii tyiñu ndee na ku na xito na ku ndoo va’a na yuvi, na kasanani kuatyi, ta nu kava na taxi na tyiñu kuvi taxi ña’a na nda’a ña ñuu ndixa xiniño’o ña’a na, ta nu sata na tyiñu nu vasa ya’vi kuu nu.

Ta ña ka’an na xa’a, ña yo’o kundivi ta yiyo xu’un ta taxi na tyiñu yu’u na xa’a ña, ta xa’a ña sata na a ndiki na ña xiniño’o a ndaa ka tyiñu yiyo ña ku ndivi xi’in na ñuu, si’na ka’an ta’an va’a na ña kuvi sata na nda saa ña xiniño’o na, ta na va’a koo ña ta yatyi na nataxi ña’a na tyi saa katyi tutu tava na tyiñu.

Na naka’an ndi na kivi oko uxi iin ña ti yoo ona, nana tyiñu ña ñuu Kuatyi ña Evelyn Salgado Pineda, nika’an ña xa’a o’on tyiñu ña ke’e ña ndi saa kuvi nasama ña ndi’i Ve’e tyiñu ña ñuu Kuatyi ta saa kuvi katyiñu va’a na xi’in xu’un na ñuu na xiñiño’o na ñuu Kuatyi, tyi ta’an ña yo’o ku ña tutu kandatyiñu xi’in ña a kusiki ka na xu’un ña xa taxi na yu’u na xa’a, ta saa ka kua’a nuu ka tyiñu ña ndakuin xa’a ña ku ndoo va’a na yuvi ta saa ndi va’a ñuu Kuatyi ta saa tu sandi’i na xa’a ña tu’un ndee sananda’a na kuatyi xi’in ña ki’in ta’an na kuali na’a ka xino xa’un uni kuiya na ndoo ndi’i ñuu Kuatyi.