(Tu’un savi)

Ñuu Sundia’a, nákàa tixi ñuu Kuatyi, kivi ìñò yiyo ti yòò ùxì òvì ña kuiya ò’òn tivi òkò ñii. Ña kivi ka’an na xa’a tyiño ke’e na, ña koni na ke’e na xi’in ña xa’a ña kuvi kundaa va’a na ña ndi’i na yuvi, ña kuvi niki’in na tu’un yo ta tyikáa ná ndeè xa’a komi yityi ña kuvi kuvi kundoo va’a yo ndi’i na ñuu Kuatyi, ña tyiñu ñuu Kuatyi Evelyn Salgado Pineda xi’in ña kú nuú ña Ve’e Ká’no ni’i Yityi ña kundoo va’a na yuvi, ña María del Rosario Piedra Ibarra, kani na nda’a na nuu ñii tutu ña kuvi katyiñu na xi’in ta’an ná.à

“Ñii katyi katyiñu ndu ña kuvi kúkomi yo ñii va’a kundoo yo, nuu kuvi kua’nu ñii kátyi yo, ñii ndíi yo, ñii kátyi kuo ndi’i yo tá saá va’a ní kúndoo yo. Ña tyiñu yo’o vasa ndikundee ña nda na ñii níí ñuu Kuatyi kundoo tixi ña kumi na yityi kundoo va’a na”, saá katyi ñá tyiñu ñuu Kuatyi ña ná taxi ña yu’u ñá ñà ñii katyiñu ña xi’in na ni’i ña kundoo va’a ndi’i na yuvi.

Ña Salgado Pineda kàtyi ña saá ndí nándiki ña yityi ña kuvi ñuu kuatyi yo’o kuo ña ñii ñuu nuu vasa koo ña kasi yityi ña, kóo na nákasi nuu na, ta yo’o ná si’i vali xi’in taá vali kivi kua’no va’a na ta nuu kua’an na nkòó kasi yityi na, saá tá ndi’i na si’i vasa yu’vi ka na ña kee na kàka na, na táa tutu ndatu’un xi’in na yuvi vasa yu’vi ka ná kee na katyiñu na, na niki’ín yu’u xi’in xa’a ña kundaa yo ña kuií ñuu yo kuvi kaka na ka’an kuatyi na xa’a ña tá nkoó ña kundo’o na tyi vasa ka’ni ká ña’a na saá tu na kuatyi sakua’a kuvi ka’an kuatyi na xa’a ña koni na tá nkoo ke’e ña’a.

“Ni ñii yityi vasa nakasi ka na nuu na ñuu Kuatyi, ní ñii yityi a koo ka ña ná ndo’o na ñuu ña Takuií Yaa, ní ñii yityi a koo ka ña ná ndo’o na ñuu Ayotzinapa, ni a koo ka ña ndo’o ñii ñuu nani Charco, tyi ndi’i ña yo’o xa nindoo ña nda xata, ta vitin ki’in xá’a ñà yityi xaá ña ñuu kuatyi nuu ndoo yo koo ka ña ku ndo’o ní ñii na ñuu”, saá nika’an ña tyiñu yo’o.

Tá ña kú nuu xi’in ña Ve’e Ka’no ni’i Yityi xi’in ña kuvi Kundoo Va’a yo na Yuvi, ña María del Rosario Piedra Ibarra, nika’an ña ndí koo ñinka yityi na ku ña taxi na yu’u na ña kundée yo nani’i yo yityi ña kuvi naki’in yo ña xa komi yo yityi ta saa tu kuvi ndatu’un va’a yo na ñuu ña kuvi ndi’i na yuvi kasato’o yo xi’in tixi ña komi na yuvi yityi.ñ

Ñika’an ña ndi na kivi kani na nda’a na nuu tutu ña ñii katyi katyiñu na ta ña yo’o ra xa kixa’a na kasandivi ña’a na ta ña yo’o kuvi koto ndoo ña xí nuu mií ndo ña ndí ña ndixa nakundoo va’a ndi’i ná si’i xi’in na taá ña na ñuu kuatyi.